ប្រវត្តិ

           អង្គការសាមគ្គីបានបង្កើតឡើងក្នុងសត្សវត្សទី២១។ អង្គការសាមគ្គីគឺជាអង្គការមិនមែន(ក្រៅ)រដ្ឋាភិបាល និងមិន ដើម្បីប្រាក់ចំណេញបានចុះបញ្ជីទទួលស្គាល់ជាផ្លូវការនៅក្រសួងមហាផ្ទៃលិខិតលេខ ៣៥១ ស.ជ.ណ ចុះថ្ងៃទី០៩ ខែមេសា ឆ្នាំ២០០១។ ឆ្នំា២០០០-២០១៧ មានទីតំាងការិយាល័យនៅស្រុកព្រៃឈរ ខេត្តកំពង់ចាម។​ បច្ចុប្បន្ន មានមូលដ្ឋាននៅក្នុង ខេត្តកមពត និង ដឹកនំាដោយសមាជិកក្រុមប្រឹក្សាភិបាលចំនួន០៥រូប។ វិធីសាស្រ្តអភិវឌ្ឍន៍ចម្បងរបស់អង្គការសាមគ្គី គឺពង្រឹងអំណាចសហគមន៍ ដើម្បីធ្វើការរួមគ្នាធ្វើអោយប្រសើរឡើងនូវជីវភាពរស់នៅរបស់ពួកគេប្រកបដោយសេចក្តីថ្លៃថ្នូរ ពិសេសផ្តោតលើអ្នកងាយរងគ្រោះ ដូចជាកុមារ ស្រ្តី និងជនពិការ (ប្រែក្លាយពីអ្នកងាយរងគ្រោះទៅ ជាកំលំាងដែលមាន សក្តានុពល)។

          អង្គការសាមគ្គីចង់ឃើញ ពលរដ្ឋកម្ពុជាយល់ដឹងពីសិទ្ធិ(ចេះស្គាល់សិទ្ធិ ចេះប្រើសិទ្ធិ ចេះគោរពសិទ្ធិ) រស់​នៅ​ដោយ​​​ប្រសើរ និងថ្លៃថ្នូរ។ អង្គការសាមគ្គីធ្វើការជាមួយអ្នកងាយរងគ្រោះ(ទុរគតជន អ្នកផ្ទុកមេរោគអេដស៏ ជនពិការ កុមារកំព្រា ពលកម្មកុមារ ជនជាតិដើមភាគតិច…) និងអ្នកបាត់បង់ឱកាស ដើម្បី​ឲ្យពួក​គេទទួល​បានចំណេះដឹង​ហើយ​​ពួកគេមាន សមត្ថភាព និងមានលទ្ធភាពទាមទារ​សិទ្ធិរស់នៅដោយ​ប្រសើរ​ និងថ្លៃថ្នូរ។ សាមគ្គីធ្វើការយ៉ាង សកម្មលើការអប់រំ ចំណេះដឹងពីសុខភាពសហគមន៍ សិទ្ធិកុមារ សន្តិសុខស្បៀង ធនធានធម្មជាតិ និងអភិបាលកិច្ចល្អ ដើម្បីអោយ អ្នកផ្តល់សេវា​មានការឆ្លើយតបសមស្របទៅនឹងតម្រូវការពលរដ្ឋ ជាពិសេសអ្នកងាយរងគ្រោះ។

គុណតម្លៃៈ                                              ពាក្យស្លោកៈ

• រស់នៅជាមួយពលរដ្ឋ           ១. បង្កើតការងារ មិនសុំការងារ
• រៀនសូត្រពីពលរដ្ឋ                ២. បង្រៀនស្ទូចត្រី មិនឲ្យត្រីស៊ី
• អប់រំដល់ពលរដ្ឋ                     ៣. មិនជួលឲ្យស្នេហ៍ តែប្រៀនឲ្យស្និទ្ធ ។

ខ្មៅដៃ១ដើម ក្រដាស១សន្លឹក រួមគ្នាលើកស្ទួយសហគមន៍យើង