ក្រុមការងារ
- ក្រុមប្រឹក្សាភិបាល
ក្រុមប្រឹក្សាភិបាលជាស្ថាប័នផ្នែកនិតិបញ្ញតិ្តរបស់អង្គការ។ សមាជិកក្រុមប្រឹក្សានាយក ជាសមាជិកស្ថាបនិក ឬជាអ្នកមានចំណេះយល់ដឹងខ្ពស់ មានបទពិសោធន៍ច្រើនក្នុងការអភិវឌ្ឍន៍សហគមន៍ ហើយពេញចិត្តនឹងទស្សនៈ បេសកកម្មរបស់អង្គការសាមគ្គី ព្រមទាំងស្ម័គ្រចិត្តជួយការងារអង្គការ។
ភារកិច្ច៖
- ចូលរួមរាល់ការប្រជុំក្រុមប្រឹក្សាភិបាល
- ជួយពង្រឹងទំនាក់ទំនងរវាងស្ថាប័នពាក់ព័ន្ធ និងដៃគូអភិវឌ្ឍន៍នានា
- ជួយពិនិត្យ និងកែសំរួលរបាយការណ៍គម្រោងស្នើសុំនានារបស់អង្គការតាមលទ្ធភាព
- អនុម័តលើឯកសារគោលនានារបស់អង្គការ
- ជួយអង្គការសាមគ្គីក្នុងការសំរេចចិត្ត និងដោះស្រាយបញ្ហា ដែលប៉ះពាល់ដល់កិតិ្តយសអង្គការក្នុងករណីដែលគណៈកម្មការប្រតិបតិ្តមិនមានសមត្ថភាព និងលទ្ធភាពដោះស្រាយ
- អនុម័តការជ្រើសតំាង និងបញ្ចប់កិច្ចសន្យារបស់នាយកប្រតិបត្តិ ដោយមានការពិភាក្សាជាមួយគណៈកម្មការប្រតិបត្តិ(ក្រុមគ្រប់គ្រង)
- ផ្តល់បច្ចេកទេស និងជួយតម្រង់ទិសការងារដល់ក្រុមប្រតិបតិ្ត
- សម្របសប្រួលបញ្ហារវាងនាយកប្រតិបតិ្ត និងបុគ្គលិក
- វាយតម្លៃការងាររបស់នាយកប្រតិបត្តិ
- ត្រួតពិនិត្យរបាយការណ៍រីកចម្រើនជាប្រចាំ
- ត្រួតពិនិត្យ និងអនុម័តផែនការការងារ ផែនការប្រចាំឆ្នាំ
- ចូលរួមនៅក្នុងការត្រួតពិនិត្យ និងអនុម័តរបាយការវាយតម្លៃប្រចាំឆ្នាំ។
- គណៈកម្មការប្រតិបត្តិ
គណៈកម្មការប្រតិបត្តិជាស្ថាប័នប្រតិបត្តិរបស់អង្គការដែលគ្រប់គ្រងលើគ្រប់សកម្មភាព។ គណៈកម្មការប្រតិបត្តិមាននាយកប្រតិបត្ត ដែលជ្រើសរើសដោយក្រុមប្រឹក្សាភិបាលសំរាប់ដំណែងរយៈពេល៣ឆ្នាំជាអ្នកដឹកនំាការងារផ្ទាល់។ សមាជិកគណៈកម្មការប្រតិបត្តិ ជាបុគ្គលិកពេញសិទ្ធិ ដែលមានចំណេះដឹង មានបទពិសោធន៍ការងារ ហើយធ្វើការប្រកបដោយការច្នៃប្រឌិត។
ភារកិច្ច៖
គណៈកម្មការប្រតិបត្តិត្រូវគិតពី៖
- ដំណើរការទូទៅរបស់អង្គការ(ចំណុចរីកចំរើន ចំណុចខ្វះខាត កែតម្រូវ)
- កិច្ចប្រតិបត្តិការពីផ្នែកមួយទៅផ្នែកមួយ ពីក្រុមមួយទៅក្រុមមួយ ពីបុគ្គលម្នាក់ទៅបុគ្គលម្នាក់
- កិច្ចប្រតិបត្តិការនានារវាងអង្គការ និងអជ្ញាធរ ឬដៃគូអភិវឌ្ឍន៍នានា។
- បុគ្គលិក១. បុគ្គលិកពេញសិទ្ធិគឺជាបុគ្គលដែលបំរើការងារក្រោយបញ្ចប់ការសាកល្បង និងបានចុះកិច្ចសន្យាជាបុគ្គលិកជាប់កិច្ចសន្យា ឬបុគ្គលិកជំនួយការ។២.បុគ្គលិកជំនួយការគឺជាបុគ្គលិកពេញសិទ្ធិឬបុគ្គលិកស្ម័គចិត្តដែលធ្លាប់បានមកជួយបំរើការងារផ្នែកណាមួយរបស់ អង្គការយ៉ាងមានប្រសិទ្ធិភាព ឬអ្នកក្រៅអង្គការដែលមានសមត្ថភាពសមស្រប ហើយអង្គការត្រូវការចាំបាច់។
៣.បុគ្គលិកស្ម័គ្រចិត្ត គឺជាអ្នកដែលលះបង់ពេលវេលា កំលាំង កាយ ចិត្ត និងទ្រព្យដោយពេញចិត្តមកជួយការងារនៅក្នុងអង្គការ។
៤.ទីប្រឹក្សាគឺជាបុគ្គលដែលបំរើការងារ និង បានចុះកិច្ចសន្យាជាទីប្រឹក្សាជាប់កិច្ចសន្យា។
| លោក អាំង ប៉ូរ៉ូ, ប្រធានក្រុមប្រឹក្សាភិបាល  | វណ្ណា ពៅ, សមាជិកក្រុមប្រឹក្សាភិបាល  | លោក តុង សេង, សមាជិកក្រុមប្រឹក្សាភិបាល  |
| លោក មែល ថាន, សមាជិកក្រុមប្រឹក្សាភិបាល  |
| លោក អ៊ុក អំាងគីម, នាយកប្រតិបត្តិ  | លោក ស៊ីម ហុន, អ្នកសម្របសម្រួលកម្មវិធី  | កញ្ញា សាត ស៊ីវន, រដ្ឋបាល និងហិរញ្ញវត្ថុ  |
| កញ្ញា យួន ស្រីរ័ត្ន, មន្ត្រីគាំពារកុមារ  | លោក ដុំ រិទ្ធីវ៉ាន់, មន្ត្រីអប់រំ  | លោក កែម លី, មន្រ្តីសន្តិសុខស្បៀង  |
| លោក ស៊ូ ម៉ាត់, ជំនួញការគាំពារកុមារ  |